سیلاب زدگان کے لیے عطیات / ڈونیشن کی اپیل

Muhammad Kashif | Organizer

Rs. 0 Raised Rs.1,000,000.00 goal

0 Donors

1 month Running

باادب گزارش ہے کہ حالیہ شدید بارشوں اور سیلاب کے باعث ہمارا پورا گاؤں، موضع بختیاری، تحصیل احمد پور شرقیہ، ضلع بہاولپور بری طرح متاثر ہوا ہے۔ سیلابی پانی کی وجہ سے گاؤں کے متعدد گھر مکمل طور پر منہدم ہو چکے ہیں جبکہ باقی گھر رہائش کے قابل نہیں رہے۔ فصلیں، مویشی، گھریلو سامان اور اناج مکمل طور پر تباہ ہو چکا ہے۔

اس وقت صورتحال نہایت سنگین ہے۔ گاؤں کے درجنوں خاندان اس شدید سردی میں کھلے آسمان تلے پڑے ہوئے ہیں۔ بچوں، خواتین اور بزرگوں کے پاس نہ مناسب کپڑے ہیں اور نہ ہی محفوظ رہائش۔ سرد راتوں میں لوگ ترپالوں یا کھلے میدانوں میں رہنے پر مجبور ہیں، جس سے بیماریوں اور جانی نقصان کا شدید خدشہ ہے۔

صاف پانی، خوراک، ادویات، گرم کپڑوں اور عارضی رہائش کی سخت کمی ہے۔ لوگوں کے روزگار کے ذرائع ختم ہو چکے ہیں اور حالات دن بدن بدتر ہوتے جا رہے ہیں۔

آپ حضرات خود موضع بختیاری کا وزٹ کر کے حالات کا جائزہ بھی لے سکتے ہیں تاکہ زمینی حقائق آپ کے سامنے آ سکیں۔ ہم آپ سے مؤدبانہ اور درد بھری اپیل کرتے ہیں کہ اللہ کے نام پر پورے گاؤں کے متاثرہ خاندانوں کے لیے فوری مالی امداد، راشن، گرم کپڑے اور رہائش کا بندوبست فرمایا جائے۔

آپ کی مدد اس سخت سردی میں ہمارے لیے زندگی اور موت کا سوال بن چکی ہے۔

اللہ تعالیٰ آپ کو اس نیکی کا بہترین اجر عطا فرمائے۔ آمین۔

درخواست گزار: محمد کاشف

گاؤں کا نام: موضع بختیاری

تحصیل: احمد پور شرقیہ